Azərbaycan, Bakı, 30 noyabr /Trend, müxbir E.İsmayılov/
Noyabrın 30-na olan məlumata görə, Azərbaycan Respublikası Dövlət Neft Şirkəti (ARDNŞ) Gürcüstana sutkada 5 milyon kubmetr qaz nəql edir.
Noyabrın 6-na olan məlumata görə isə bu rəqəm 4 milyon kubmetrdən çox təşkil edib. Bu barədə cümə günü Trend-ə ARDNŞ-dəki mənbə bildirib.
"Gürcüstana qaz tədarükü artıb və hazırda sutkada 5 milyon kubmetr təşkil edir", - mənbə qeyd edib.
Mənbənin sözlərinə görə, İrana "svop" əməliyyatları çərçivəsində həyata keçirilən qaz tədarükü davam edir və hazırda bu göstərici sutkada 1,2 milyon kubmetr təşkil edir.
