Azərbaycan, Bakı, 7 fevral /Trend, müxbir E.İsmayılov/
2012-ci ildə Dövlət Qaz Nəzarəti İdarəsi qaz abunəçilərinə qarşı 207 inzibati protokol tərtib edib. Bu barədə cümə axşamı Trend-ə İdarənin rəisi Asif Zeynalov bildirib.
Onun sözlərinə görə, tərtib edilən protokollar üzrə cərimələrdən daxilolmaların həcmi 55 min manatı ötüb.
İdarə 2012-ci il ərzində 2672 yoxlama aparıb.
Zeynalov qeyd edib ki, aparılan yoxlamalar zamanı 770 halda qazdan istifadə qaydalarının pozulması faktı aşkar edilib.
"2012-ci ildə 770 halda poxuntu aşkar edilib, bunlardan 207-si üzrə İnzibati Xətalar Məcəlləsinə uyğun olaraq cərimələr tətbiq edilib", - İdarə rəisi deyib.
Zeynalovun sözlərinə görə, 30 halda qadağa tətbiq edilib, 633 halda isə müvafiq göstərişlər verilib.
