Bakı. Trend:
"Fitch Ratings" beynəlxalq reytinq agentliyi Azərbaycan Dövlət Neft Şirkətinin (SOCAR) uzunmüddətli emitent defolt reytinqini BB+, qısamüddətli emitent defolt reytinqini B, prioritet təmin olunmamış reytinqini BB+ səviyyəsində təsdiq edib.
Trend-in məlumatına görə, bütün reytinqlər üzrə proqnozlar mənfidən sabitə dəyişdirilib.
“Fitch” mütəxəssisləri proqnozlaşdırır ki, növbəti iki ildə SOCAR-ın kapital xərcləri əhəmliyyətli dərəcədə azalacaq: “2018-ci ildə TANAP və STAR neft emalı zavodu kimi layihələrin başa çatmasından sonra SOCAR-ın kapital xərcləri iki dəfədən çox azalacaq. 2017-ci ildə SOCAR-ın xərcləri 4,3 milyard manat təşkil edibsə, 2019-2020-ci illərdə bu rəqəm 2 milyard manata bərabər olacaq”.