Bakı. Trend:
16 yaşadək oğlan basketbolçulardan ibarət Azərbaycan millisi Albaniyada keçirilən Avropa çempionatının C divizionunda növbəti oyununu keçirib.
Trend xəbər verir ki, B qrupunda yer alan yığmamız ikinci turda Andorra komandası ilə qarşılaşıb və 42:52 hesabı ilə məğlub olub.
Qeyd edək ki, Azərbaycan millisi turnirin ilk oyununda San Marino üzərində inamlı qələbə qazanaraq 105:60 hesabı ilə üstün olmuşdu.
Növbəti qarşılaşmalarda komandamız iyulun 9-da saat 19:00-da Lüksemburq, iyulun 10-da isə saat 23:30-da Cəbəllütariq yığması ilə üz-üzə gələcək.