Bakı. Maksim Tsurkov - Trend:
Azərbaycanda neft yataqlarının işlənməsinin bütün tarixi boyu 2,019 milyard neft ton hasil edilib. Trend-in məlumatına görə, bunu SOCAR-ın yataqların işlənməsi üzrə vitse-prezidenti Yaşar Lətifov deyib.
Y.Lətifovun sözlərinə görə, bu günə kimi Azərbaycanda həm dəniz, həm də quruda 83 yataq kəşf edilib ki, bunlardan 62-sində hazırda hasilat aparılır.
Qeyd edək ki, Azərbaycanda neft hasilatının tarixi 1871-ci ildən hesablanır. 2017-ci ilin noyabrında ölkə 2 milyard ton neftin hasil edilməsini qeyd edib.