Bakı. Trend:
Bu ilin yanvar-may ayları ərzində Azərbaycanda neft məhsullarının istehsalı sahəsində istehsalın ümumi dəyəri 2,036 milyard manat təşkil edib.
Bu barədə Trend Dövlət Statistika Komitəsinə istinadən xəbər verir.
Məlumata görə, bu göstərici əvvəlki ilin müvafiq dövrü ilə müqayisədə 5,2 faiz azdır.
Neft məhsullarından ağ neft istehsalı 0,3 faiz, qazoylların (dizel yanacağının) istehsalı 4,3 faiz, neft bitumu istehsalı 7,1 faiz, avtomobil benzini istehsalı 10,7 faiz, neft koksunun istehsalı 12 faiz, sürtkü yağları istehsalı 45,8 faiz azalıb.