Azərbaycan, Bakı / Trend müxbir S.Əliyev/ Qaradağ yeraltı qaz anbarının yenidənqurulması artıq işlərə başlamış Azərbaycanın Dövlət Neft Şirkətinin (ARDNŞ) vəsaitləri hesabına həyata keçiriləcək. Bunu çərşənbə axşamı Xəzər işgüzar inteqrasiya klubunda (CIBC) görüş zamanı "Azəriqaz" QSC-nin prezidenti Əlixan Məlikov bildirib. Layihənin dəyəri 150-160 mln. dollar civarında, həyata keçirlmə müddəti isə iki ildir. Əvvəlcə bu layihənin kredit hesabına həyata keçirilməsi planlaşdırılırdı. QSC tender də elan etmişdi, amma sonra o dayandırılıb.
Layihəyə Qaradağ qaz anbarının yenidənqurulması üçün yüksək təzyiqli təbii qaz kompressorunun və qaztəmizləyici qurğunun layihələndirilməsi və qaz tutumunun 2,3 mlrd. kubmetrə çatdırılması daxildir.
Həmçinin avadanlıqların quraşdırılması, tikinti, köhnə quyu fondunun tam təmiri, yeni quyuların qazılması, qazma sahəsinin dəqiqləşdirilməsi, quyu və yeraltı rezervuarların tam yoxlanılması nəzərdə tutulur.
