Azərbaycan və Qətər arasında rabitə və informasiya texnologiyaları sahəsində müqavilə imzalanması planlaşdırılır. Bu barədə rabitə və informasiya texnologiyaları naziri Əli Abbasovun Qətər dövlətinin Azərbaycandakı səfiri Şeyx Mübarək bin Fəhd Casim əl-Tani ilə görüşündə danışılıb.
AzərTAc agentliyinin verdiyi məlumata əsasən, görüşdə iki ölkə arasında mövcud olan münasibətlərin informasiya-kommunikasiya texnologiyaları (İKT) sahəsində əməkdaşlığa geniş imkanlar yaratdığı və bu imkanlardan istifadə edərək İKT sektorunda əlaqələrin möhkəmləndirilməsinin vacibliyi qeyd olunub.
...
