Azərbaycan, Bakı, 07 avqust / Trend , müxbir H.Vəliyev /
Azərbaycan Rabitə və İnformasiya Texnlogiyaları Nazirliyinin "Azərpoçt" Dövlət Müəssisəsi (DM) stasionar telefonla teleqram göndərişi xidmətini təqdim edir. Bu barədə müəssisənin məlumatında deyilir.
Trend -a "Azərpoçt" DM-dən deyilib ki, servisdən istifadə edərək abonent Avropanın, Rusiya və MDB-nin digər ölkələrinin, eləcə də Baltikyanı ölkələrin istənilən nöqtəsinə teleqram göndərə bilər.
Respublikadaxili göndərişin qiyməti hər söz üçün 0,05 manat, Avropa ölkələrinə - 0,60 manat, Rusiyaya - 0,40 manat, MDB-nin digər ölkələrinə - 0,30 manatdır. Paytaxtın poçt şöbələrində ödənilə bilən xidmətlərin dəyəri abonentlərin hesabına daxildir.
Teleqramın çatma müddəti respublika daxilində bir saat, Azərbaycandan kənara isə iki saatdır.
Xidmətdən həm fiziki şəxslər, həm də təşkilatlar yararlana bilərlər. Teleqram qəbuluna ərizələrin göndərilməsi 598-05-37 telefonu ilə həyata keçirilir.
Bununla yanaşı, müəssisə teleqramlarda durğu işarələrinin tətbiqinə başlayıb. Halbuki əvvəllər belə işarələr hərflərlə əvəz edilirdi.
Məqalə müəllifi ilə əlaqə ünvanı: [email protected]
