Azərbaycan, Bakı, 17 dekabr /Trend, müxbir H.Vəliyev/
İlin əvvəlindən "Xalq kompüteri" layihəsi çərçivəsində kompüterlərin satışı 26,8 faiz artıb. Bu barədə bazar ertəsi Trend-ə "Best Comp Group" şirkətindən məlumat veriblər.
2012-ci ilin yekunu üzrə dəyəri 2,78 milyon manatdan çox olan kompüter texnikası satılıb. Hər kompüterin qiyməti orta hesabla 650 manat təşkil edib.
Layihəyə başlanandan etibarən (2009-cu ilin aprel ayı) ümumilikdə 13,1 milyon manatdan çox məbləğdə 20,2 mindən artıq kompüter satılıb.
Kompüterlərin ümumi sayından 3129 ədədi Bakıda, qalanı isə regionlarda satılıb. Layihə çəçivəsində satılan kompüterlərin 90 faizindən çoxu portativ texnikanın payına düşür.