Azərbaycan, Bakı, 2 aprel /Trend, müxbir H.Vəliyev/
İlin əvvəlindən "Xalq kompyuteri" layihəsi çərçivəsində kompüterlərin satışı 5,7 faiz artıb. Bu barədə çərşənbə axşamı Trend-ə "Best Comp Group" şirkətindən məlumat veriblər.
I rübün yekunları üzrə təqribən 749 min manat dəyərində kompüter texnikası satılıb. Hər kompyuterin qiyməti orta hesabla 650 manat təşkil edib.
Layihəyə başlanandan etibarən (2009-cu ilin aprel ayı) ümumilikdə 13,8 milyon manatdan çox məbləğdə 21,3 mindən artıq kompyuter satılıb.
Kompyuterlərin ümumi sayından 3248 ədədi Bakıda, qalanı isə regionlarda satılıb. Layihə çəçivəsində satılan kompüterlərin 90 faizindən çoxu portativ texnikanın payına düşür.
