Azərbaycan, Bakı, 3 oktyabr /Trend, müxbir H.Vəliyev/
İlin əvvəlindən "Xalq kompyuteri" layihəsi çərçivəsində kompyuterlərin satışı 8 faiz artıb. Bu barədə cümə axşamı Trend-ə "Best Comp Group" şirkətindən məlumat veriblər.
Şirkətdən verilən məlumata görə, yanvar-sentyabr aylarında təqribən 1,24 milyon manat dəyərində kompyuter texnikası satılıb. Hər kompyuterin qiyməti orta hesabla 650 manat təşkil edib.
Layihəyə başlanandan etibarən (2009-cu ilin aprel ayı) ümumilikdə 14,4 milyon manatdan çox məbləğdə 21,9 mindən artıq kompyuter satılıb.
Kompyuterlərin ümumi sayından təxminən 3,3 min ədədi Bakıda, qalanı isə regionlarda satılıb. Layihə çəçivəsində satılan kompyuterlərin 90 faizindən çoxu portativ texnikanın payına düşür.