Azərbaycan, Bakı, 7 dekabr /Trend, müxbir H.Vəliyev/
2013-cü il ərzində "Xalq kompüteri" layihəsi çərçivəsində kompyuterlərin satışında artım 11 faiz təşkil edib. Bu barədə Trend-ə "Best Comp Group" şirkətindən məlumat veriblər.
Yanvar-dekabr aylarında təqribən 1,45 milyon manatdan çox məbləğdə kompüter texnikası satılıb. Hər kompüterin qiyməti orta hesabla 650 manat təşkil edib.
Layihəyə başlanandan etibarən (2009-cu ilin aprel ayı) ümumilikdə 14,6 milyon manatdan çox məbləğdə 22,5 mindən artıq kompüter satılıb.
Kompüterlərin ümumi sayından təxminən 3 min ədəddən çoxu Bakıda, qalanı isə regionlarda satılıb. Layihə çəçivəsində satılan kompüterlərin 90 faizindən çoxu portativ texnikanın payına düşür.
