Azərbaycan, Bakı, 10 fevral /Trend, müxbir H.Vəliyev/
Azərbaycanın İKT və poçt sektorunda əldə olunan gəlirlərin həcmi 2013-cü il ərzində 1 632,2 milyon manat təşkil edib ki, bu da inişilki göstəricini 14 faiz üstələyir. Trend-in məlumatına görə, bu barədə Rabitə və İnformasiya Texnologiyaları Nazirliyində (RİTN) 2013-cü ilin yekunlarına dair kollegiya iclasında açıqlanan hesabatda deyilir.
Nazirliyin məlumatına görə, İKT-nin ÜDM-də payı 1,9 faiz təşkil edib.
Hesabatda deyildiyi kimi, ötən il ərzində beynəlxalq internet kanallarının ümumi tutumu 10 Gbit/s artırılaraq 210 Gbit/s-ə çatdırılıb.
Hazırda ölkədə hər 100 nəfərə düşən internet istifadəçilərinin sayı 70-ə, genişzolaqlı internet istifadəçilərinin sayı isə 50-yə bərabərdir.
Ölkədə mobil rabitə abunəçilərinin sayı 110 faizdir.