Azərbaycan, Bakı, 2 aprel /Trend, müxbir H.Vəliyev/
2014-cü ilin I rübündə "Xalq kompüteri" layihəsi çərçivəsində kompüterlərin satışında artım 4,5 faiz təşkil edib. Bu barədə Trend-ə "Best Comp Group" şirkətindən məlumat veriblər.
Yanvar-mart aylarında təqribən 667 min manatdan çox məbləğdə kompüter texnikası satılıb. Hər kompüterin qiyməti orta hesabla 650 manat təşkil edib.
Layihəyə başlanandan etibarən (2009-cu ilin aprel ayı) ümumilikdə təqribən 15,3 milyon manat məbləğində 23,5 mindən artıq kompüter satılıb.
Kompüterlərin ümumi sayından təxminən 3,9 min ədədi Bakıda, qalanı isə regionlarda satılıb.
Qeyd edək ki, layihə çərçivəsində təklif edilən kompüterlər 12 ay müddətinə faizsiz kredit şərti ilə satılır.
