Azərbaycan, Bakı, 4 oktyabr /Trend, müxbir Hüsetyn Vəliyev/
Bu ilin yanvar-sentyabr ayalrında "Xalq kompüteri" layihəsi çərçivəsində kompüterlərin satışı 7 faiz artıb. Bu barədə Trend-ə "Best Comp Group" şirkətindən məlumat veriblər.
Şirkətdən verilən məlumata görə, yanvar-sentyabr aylarında təqribən 1,19 milyon manat dəyərində kompüter texnikası satılıb. Hər kompüterin qiyməti orta hesabla 700 manat təşkil edib.
Layihəyə başlanandan etibarən (2009-cu ilin aprel ayı) ümumilikdə 24,2 milyon manatdan çox məbləğdə 16,9 mindən artıq kompüter satılıb.
Layihə çəçivəsində satılan kompyuterlərin 95 faizindən çoxu portativ texnikanın (noubuk və planşet kompyuterlərin) payına düşür.
