...

Əfqanıstanda dinc sakinlər arasında ölüm faktları üç dəfə artıb – Müstəqil İnsan Haqları Komissiyasının sözçüsü

Dünya xəbərləri Materials 9 Sentyabr 2008 16:14 (UTC +04:00)

Trend-i buradan izləyin

Əfqanıstan, Kabil, 09 sentyabr / Trend , A.Həkimi / Beynəlxalq İnsan Hüquqları Müdafiə Təkilatının (Human Right Watching) məruzəsində Əfqanıstanda hərbi əməliyyatlar zamanı dinc sakinlərin ölüm faktlarının 2006 və 2007-ci illər ilə müqayisədə üç dəfə artıdığı qeyd edilib.

"Əfqanıstanda koalisiya qüvvələrinin əməliyyatları zamanı 2008-ci ilin ilk yeddi ayında 580 dinc sakin həlak olub", - deyə Müstəqil İnsan Haqları Komissiyasının sözçüsü Nadir Nadiri Trend - a bildirib.

Nadiri bildirib ki, Human Right Watching təşkilatının "Dinc sakinlər arasında ölüm faktları, hava hücumları və hərbi əməliyyatlar" adlı 43 səhifəlik məruzəsində bildirilir ki, dinc sakinlər arasında ölüm halları həm proqramlaşdırılmış hava hücumları, həm də proqramlaşdırılmamış hava hücumları zamanı baş verir.

Human Right Watching təşkilatının məruzəsində dinc sakinlər arasında ölüm faktlarının artmasının səbəbi kimi hava hücumlarının yerli qüvvələrlə razılaşdırılmadan keçirilməsi göstərilib. Təşkilat dinc əhalinin ölümündə koalisiya qüvvələrini və qiyamçıları təqsirli bilir. Adıçəkilən təşkilat dinc sakinlərdən müdafiə xətti kimi istifadə etdiklərinə görə həm qiyamçıları, həm də hava hücumları zamanı dinc sakinlərə vaxtında və lazımi yardım göstərmədiyinə görə ABŞ qüvvələrini tənqid edib.

"ABŞ və NATO-nun səhv addımları Əfqanıstan hökumətini və koalisiya qüvvələrini əhalinin gözündən salır", - deyə Human Right Watching təşkilatının sədri Deyvid Adams bildirib.

ABŞ qüvvələri bildirib ki, Herat vilayətinin Şendend şəhərinin Əzizabad kəndində hərbi hava hücumu zamanı həlak olan dinc sakinlərin sayının daha çox olmasına dair yeni dəlillər əldə edib. Bundan qabaq ABŞ qüvvələri Şendend şəhərinin Əzizabad kəndində hava hücumu zamanı 7 nəfərin öldüyünü bildirmişdi. Əfqanıstan hökuməti və BMT-nin məruzəsində isə ABŞ qüvvələrinin bu kəndə hücumu zamanı 90 dinc sakinin həlak olduğu bildirilib. Həlak olanların əksəriyyəti qadın və uşaqlar olub.

Koalisiya qüvvələrinin hava hücumları zamanı dinc sakinlərin öldürülməsi faktları Əfqanıstan hökumətinin istəyinə baxmayaraq hələ də çoxdur.

Nadiri, hökuməti bu məsələ ilə bağlı xüsusi proqramı olmamasında və razılaşdırılmamış əməliyyatların aparılmasında günahlandırıb. Müstəqil İnsan Haqları Komissiyası sözçüsünün fikrincə, dinc sakinlərin həlak olması yaxın vaxtlara kimi Əfqanıstan hökumətini əsla narahat etmirdi.

Müəlliflə əlaqə saxlamaq üçün elektron ünvan [email protected]

Xəbər lenti

Xəbər lenti