AP informasiya agentliyinin verdiyi xəbərə görə, ABŞ Prezidenti Barak Obama Ağ Evdə İraq daxilində siyasi sülhün müzakirəsi üçün Baş nazir Nuri əl-Maliki ilə görüşəcək.
İraqın siyasi liderləri arasında sülh ölkədə hələ də mövcud olmayan stabilliyin qurulmasında vacibdir.
Bağlı qapılar arxasındakı müzakirələrdən sonra əl-Məliki və Obama birgə mətbuat konfransı keçirəcək.
İyunun 30-da ABŞ İraqın, Bağdad da daxil olmaqla, əsas şəhərlərindən ordusunun bölmələrini çıxarıb və təhülkəsizliyə nəzarəti İraq polisinə verib. ABŞ kontingenti İraqı 2011-ci ildə tərk edəcək.