Azərbaycan, Bakı, 10 dekabr /Trend, müxbirlər T. Cəfərov, E. Tariverdiyeva/
Hazırda İrana qarşı təhdidlərin əsas formaları hərbi, iqtisadi və kiber-təhdidlərdir. Trend-in bazar ertəsi "Mehr" agentliyinə istinadən verdiyi məlumata görə, bu barədə İranın "Qeyri-operativ müdafiə" təşkilatının rəhbəri, İslam İnqilabı Keşikçiləri Korpusunun (İİKK) komandirlərindən biri Qulam Rza Cəlali deyib.
O qeyd edib ki, İrana qarşı iqtisadi təhdidlər ABŞ-ın ölkəyə münasibətdə iqtisadi müharibə aparması formasına çevrilib.
Kiber-hücumlar barəsində danışan Cəlalinin sözlərinə görə, İranın bir neçə nazirliyi arasında koordinasiyanın olmaması onların kiber-məkanı üçün müəyyən zəif nöqtələr yaradır.
O ümid etdiyini bildirib ki, ölkə parlamenti bəzi nazirliklərin birləşməsi haqqında qərar qəbul edərkən bunu diqqətə alacaq.