Azərbaycan, Bakı, 27 dekabr /Trend, müxbir T.Cəfərov/
Bu gün İranın Kohgiluyə və Buyer Əhməd əyalətinin Yasuc şəhərinin mərkəzində əhalinin gözü qarşısında 5 nəfər edam olunub. Bu barədə Trend İranın MEHR xəbər agentliyinə istinadən məlumat verir.
Məlumata əsasən, həmin şəxslər adam oğurluğu və zorlamada ttiham olunaraq edam cəzasına məhkum ediliblər.
Qeyd edək ki, cari ilin oktyabr-noyabr aylarında Tehranda narkotik maddələrin qanunsuz dövriyyəsi və satışı ittihamı ilə 20 nəfər edam olunub. Beynəlxalq KİV-in məlumatına görə, ötən bir il ərzində (2011-ci ilin oktyabrından 2012-ci ilin oktyabr ayınadək) İranda 488 nəfərdən çox şəxs edam olunub.