Azərbaycan, Bakı, 20 fevral /Trend, müxbir T.Cəfərov/
Ötən gün İranın Şiraz şəhərinin Adilabad həbsxanasında 8 nəfər edam olunub. Trend-in məlumatına görə, İranın "Fars" agentliyi bu gün bu barədə məlumat yayıb.
Məlumata əsasən, həmin şəxslər 2008-2011-cil illər ərzində narkotik qaçaqmalçılığında ittiham olunaraq həbs olunub və edam cəzasına məhkum ediliblər.
Qeyd edək ki, 2012-ci ilin oktyabr-noyabr aylarında Tehranda narkotik maddələrin qanunsuz dövriyyəsi və satışı ittihamı ilə 20 nəfər, dekabrda isə 5 nəfər edam olunub. Beynəlxalq KİV-in məlumatına görə, ötən il İranda 587 nəfər edam edilib.