Bakı. Rufiz Hafizoğlu - Trend:
Türkiyədə hərbi çevrilişə cəhd zamanı qiyamçıların qərargahı olan "Akıncı" hərbi bazası bağlanacaq.
Trend-in "TRT Haber" telekanalına istinadən verdiyi məlumata görə, bunu Türkiyə Baş naziri Binali Yıldırım deyib.
Onun sözlərinə görə, hərbi çevrilişə cəhdlə birbaşa əlaqəsi olan Fətullah Gülən ABŞ-dan ekstradisiya ediləcək.
Qeyd edək ki, Türkiyədə iyulun 15-dən 16-na keçən gecə dövlət çevrilişinə cəhd edilib. Hadisədə 246 nəfər ölüb, 2000-dən çox insan xəsarət alıb.