Bakı. Rufiz Hafizoğlu - Trend:
Suriya Prezidenti Bəşər Əsəd keçid hökuməti dövründə hakimiyyətdə qala bilər.
Trend-in "Hürriyyət" qəzetinə istinadən verdiyi məlumata görə, bunu Türkiyənin Baş naziri Binalı Yıldırım deyib.
Onun sözlərinə görə, Türkiyə qarşıdakı altı ayda Suriya böhranının nizamlanmasında fəal rol oynayacaq.
B.Yıldırım bildirib ki, Suriyada keçid hökumətin formalaşmasından sonra B.Əsəd postunu tərk etməlidir.
Baş nazir qeyd edib ki, rəsmi Ankara Suriyanın parçalanmasına imkan verməyəcək.