Bakı. Trend:
İsveçrədə Dan Blanş zirvəsinə qalxarkən iki almaniyalı alpinist ölüb.
Trend-in məlumatına görə, Dan Blanş zirvəsi 4357 metr yüksəklikdə yerləşir.
Məlumata əsasən, hadisə avqustun 3-də saat 8:30-da baş verib. Bildirilir ki, alpinistlər zirvəyə qalxan zaman yıxılıblar. Yıxılmanın şahidi digər alpinistlər olub və xilasetmə xidmətlərinə xəbərdarlıq ediblər.
Hazırda hadisənin səbəbləri araşdırılır və ölənlərin kimliyi müəyyənləşdirilir.
Bundan əvvəl, avqustun 1-də İngiltərədən olan 58 yaşlı turist Ştralhorn dağına qalxarkən həlak olub.