Bakı. Trend:
Fələstində yeni növ koronavirusa (COVİD-19) mübarizə çərçivəsində fövqəladə vəziyyət rejiminin müddəti uzadılıb.
Trend-in "TASS"a istinadən verdiyi məlumata görə, müvafiq sərəncam Fələstin prezidenti Mahmud Abbas tərəfindən imzalanıb.
Məlumata əsasən, ölkə ərazisində fövqəladə vəziyyət rejimi sentyabrın 4-dən başlayaraq daha 30 gün müddətinə uzadılıb.
Qeyd edək ki, Fələstində yeni növ koronavirusa (COVİD-19) təxminən 33 min nəfər yoluxub. Onlardan 22,3 min nəfəri sağalıb, 192 nəfəri isə vəfat edib.