...

"Taliban" Əfqanıstanda daha bir iri şəhərə hücuma başlayıb

Dünya xəbərləri Materials 14 Avqust 2021 16:07 (UTC +04:00)
"Taliban" Əfqanıstanda daha bir iri şəhərə hücuma başlayıb

Bakı. Orxan Nəbiyev - Trend:

"Taliban" hərəkatı Əfqanıstanın şimal-qərbindəki Məzari-Şərif şəhərinə doğru hücum əməliyyatlarına başladığını açıqlayıb.

Trend-in məlumatına görə, bu barədə təşkilatın nümayəndəsi bildirib.

Qeyd olunub ki, bu gün ərzində "Taliban" ölkənin şimalında iki əyalət mərkəzini, Puli-Humri və Fayzabad şəhərlərini ələ keçirib.

Ötən gün isə paytaxt Kabildən 80 kilometr cənub-şərqdə yerləşən Loqar əyaləti bütünlüklə, eləcə də Pakistanla sərhəddə yerləşən Paktika və Paktiya əyalətlərinin bir hissəsi "Taliban" silahlılarının nəzarətinə keçmişdi. "Taliban" həmçinin Herat və Qəndəhar şəhərlərini ələ keçirdiyini açıqlayıb.

Eyni zamanda ABŞ bu ölkədəki səfirliyində məxfi sənədlərin məhv olunmasına başlandığını elan edib.

Məqalədə:
Xəbər lenti

Xəbər lenti