Bakı. Trend:
Rabatda dünyanın ən uzun sualtı qaz kəməri Nigeriya-Mərakeş (Nigeria Morocco Gas Pipeline, NMGP) qaz kəmərinin tikintisi üzrə texniki komitənin iclası keçirilib.
Trend-in məlumatına görə, bu barədə "Maghreb Arabe Presse" agentliyi xəbər verib.
Məlumata əsasən, bu strateji layihənin həyata keçirilməsinin müzakirə edildiyi toplantıda Mavritaniya, Mərakeş, Nigeriya, Seneqal yanacaq şirkətlərinin nümayəndələri və Qərbi Afrika Ölkələri İqtisadi Birliyinin (ECOWAS) üzvləri iştirak ediblər.
Onların hamısı NMGP-nin tikintisinə aid olan məruzə və təqdimatlar ilə çıxış ediblər.