Bakı. Trend:
Türkiyənin ROKETSAN, ASELSAN ve TÜBİTAK-SAGE şirkətlərinin ortaq istehsalı yerli SİPER uzun mənzilli Hava Hücumundan Müdafiə (HHM) sisteminin raketi son sınağını uğurla tamamlayaraq uzun məsafədən hədəfi vurub.
Trend-in TurkicWorld-a istinadən məlumatına görə, bu barədə Türkiyənin müdafiə sənayesinin rəhbəri İsmail Demir öz rəsmi twitter hesabında məlumat verib.
"Quruda, havada, dənizdə və kosmosda müstəqilliyimiz və gələcəyimiz üçün gecə-gündüz çalışmaqda davam edirik", - deyə Demir bildirib.
Qeyd edək ki, SİPER-in son atış sınağı 2022-ci ilin avqustunda həyata keçirilib. Bu sınaq zamanı Axtarış Radarı və Atəş Nəzarət Mərkəzindən də istifadə olunub. SİPER 100 kilometr məsafədə hədəfi məhv edərək öz rekordunu qırıb.