Bakı. Trend:
"Ənsar Allah" üsyançı hərəkatından olan husilər İnsan Haqları üzrə Ali Komissarlığın (İHAK) Sənadakı ofisini BMT-yə qaytarıblar.
Trend-in məlumatına görə, bu barədə BMT rəhbərinin rəsmi nümayəndəsi Stefan Düjarrik brifinqdə bildirib.
"Ofis bu gün Yəmən koordinatorumuz Culien Harneysə qaytarıldı. Julienin sözlərinə görə, ofis toxunulmaz olaraq qalıb və inventarlaşdırılır", - deyə S.Düjarrik qeyd edib.
Baş katibin nümayəndəsi əlavə edib ki, BMT “bu addımdan ürəklənib”, lakin eyni zamanda, dünya təşkilatı husiləri Yəməndə saxlanılan BMT əməkdaşlarını azad etməyə çağırmağa davam edir.