Bakı. Trend:
"Real Madrid"dən ayrılacağı gözlənilən Karlo Ançelottinin karyerasındakı növbəti ünvan artıq dəqiqləşib.
Trend xəbər verir ki, tanınmış italyan mütəxəssis Braziliya milli futbol komandasının baş məşqçisi postuna təyin olunacaq. Bu barədə "The Athletic" nəşri məlumat yayıb.
Məlumata görə, Ançelotti ilə Braziliya Futbol Federasiyası arasında razılıq əldə olunub və onun vəzifəsinin icrasına mayın 26-da başlayacağı gözlənilir.
Qeyd edək ki, Karlo Ançelotti cari mövsümün sonunda "Real Madrid" klubunu tərk edəcəyini daha öncə açıqlayıb.