Bakı. Trend:
Avropa İttifaqı (Aİ) ABŞ-yə qarşı ticarət sahəsində bəzən Çindən belə daha ədalətsiz mövqe sərgiləyir.
Trend xəbər verir ki, bu fikirləri ABŞ Prezidenti Donald Tramp ölkəsinin Aİ ilə ticarət əlaqələrinə dair münasibət bildirərkən səsləndirib.
Tramp vurğulayıb ki, ABŞ Aİ ilə danışıqlarda üstün mövqeyə sahibdir və Avropa tərəfinin ticarətdə əhəmiyyətli güzəştlərə getməyə məcbur qalacağını gözləyir: “Biz onlarla yeni başlayırıq. Onlar ABŞ-dən idxala maneələri əhəmiyyətli dərəcədə azaldacaqlar. Görəcəksiniz. Biz bütün kartları əlimizdə saxlayırıq. Onlar bizimlə çox ədalətsiz davrandılar”.
O, Vaşinqtonun bu istiqamətdə ciddi addımlar atacağını da qeyd edib.