Bakı. Trend:
Çin, rabitə texnologiyalarını sınaqdan keçirmək məqsədilə “Şiyan-19” rabitə peykini uğurla orbitə buraxıb.
Trend xəbər verir ki, bu barədə Çin Aerokosmik Elm və Texnologiya Korporasiyası məlumat yayıb.
Çinin sosial şəbəkəsi WeChat-də yerləşdirilən məlumatda bildirilir ki, peyk Pekin vaxtı ilə saat 02:09-da Siçyan Kosmodromundan buraxılıb. Buraxılışda CZ-3C (Çanzyen-3-si) daşıyıcı raketindən istifadə edilib.
Bu buraxılış, Kançzen seriyalı raketin 575-ci missiyası olub. CZ-3C raketinin diametri 4,2 metr, uzunluğu isə 55,6 metrdir və 3,9 tona qədər faydalı yükü günəşlə sinxron orbitə çıxarmağa qadir olduğu qeyd edilir. 2025-ci ildə bu tip raketlər üçün 8-ci buraxılış gözlənilir.
Çin hökuməti, kosmik proqramlarını fəal şəkildə inkişaf etdirərək Ayın tədqiqi, meteoroloji, telekommunikasiya və naviqasiya peyklərinin buraxılışlarını həyata keçirir. Bununla yanaşı, Çin kosmik stansiyası ilə beynəlxalq əməkdaşlıq məqsədini güdür və 2024-cü il ərzində 68 buraxılış gerçəkləşirib.