Bakı. Trend:
ABŞ administrasiyası Suriyanın yeni hökuməti inklüzivlik əsasında və kənar müdaxilə olmadan yaradılarsa, onu tanımağa və dəstəkləməyə hazırdır.
Trend-in məlumatına görə, bu barədə ABŞ dövlət katibi Entoni Blinken deyib.
"“Bütün ölkələr inklüziv və şəffaf prosesi dəstəkləməyə və müdaxilədən çəkinməyə söz verməlidir", - deyə o bildirib.
"ABŞ bu proses nəticəsində yaradılacaq gələcək Suriya hökumətini tanıyacaq və tam dəstəkləyəcək", - deyə E.Blinken qeyd edib.
O əlavə edib ki, “keçid dövrü beynəlxalq şəffaflıq və hesabatlılıq standartlarına cavab verən etibarlı, əhatəli və dünyəvi idarəçiliyə gətirib çıxarmalıdır”.