Bakı. Trend:
Londonun “ICE” birjasında 2025-ci ilin avqust ayı üzrə çatdırılacaq “Brent” markalı neftin fyuçers qiyməti yanvarın 20-dən bəri ilk dəfə olaraq bir barel üçün 81 dollar həddini keçib.
Trend xəbər verir ki, Bakı vaxtı ilə saat 02:00-a olan məlumata görə, qiymət artımı əhəmiyyətli sürət alıb və “Brent” nefti 81,41 dollara qədər yüksəlib. Bu, son altı ay ərzində ilk belə səviyyədir.
Eyni zamanda, “WTI” markalı xam neftin 2025-ci ilin avqustuna olan fyuçersləri də 5,89% bahalaşaraq bir barel üçün 78,40 dollar təşkil edib.