Azərbaycan, Bakı, 27 iyun /Trend, müxbirlər Hüseyn Vəliyeva, Yelena Kosolapova/
Bakı-2015 Avropa Oyunlarına hazırlıq dövründə böyük həcmdə iş görülüb. Bunu Trend-ə Böyük Britaniyanın International Sport Broadcasting (ISB) şirkətinin şərhçisi Rocer Teyms deyib.
Onun sözlərinə görə. hər şey çox yaxşı səviyyədə təşkil edilib: "Daha çox su idmanı növləri üzrə yarışların keçirilməsi xoşuma gəldi".
Şərhçi Bakını çox bəyəndiyini də qeyd edib: "Şəhər çox gözəldir. Hamı çox mehribandır. Bakıda çox yaxşı idman obyektləri yaradılıb. Xüsusilə Su İdmanı Sarayını vurğulamaq istərdim. Bu, gələcək idman tədbirləri üçün yaxşı startdır".