Azərbaycan, Bakı, 27 iyun /Trend, müxbir Maksim Tsurkov/
Azərbaycan sablyaçıları bu gün I Avropa Oyunlarında qılıncoynatma üzrə komanda yarışlarında beşinci yeri tutublar.
Trend-in məlumatına görə, 5-6-cı yer uğrunda görüşdə Səbinə Mikina, Sevinc Bünyatova və Sevil Bünyatova polşalı sablyaçılara 45-41 hesabı ilə qalib gəliblər.
Azərbaycanlı şpaqaçılar 5-6-cı yer uğrunda görüşdə Macarıstana 37-45 hesabı ilə uduzublar.
Bu növdə qızıl medal uğrunda Ukrayna və İtaliya idmançıları qarşılaşacaqlar.