Azərbaycan, Bakı, 28 iyun /Trend/
Avropa Olimpiya Komitəsinin prezidenti Patrik Hikki Bakı-2015 birinci Avropa Oyunlarını bağlı elan edib.
Qeyd edək ki, 12-28 iyun tarixlərində Bakıda keçirilən birinci Avropa Oyunlarında Avropanın 50 ölkəsindən 6 min idmançı 20 idman növü üzrə 253 medal dəsti uğrunda yarışıblar.
17 gün davam edən I Avropa Oyunlarında medal qazanan idmançılar həm də 12 idman növü üzrə Rio-2016 Olimpiya Oyunlarına vəsiqə əldə ediblər.
Birinci Avropa Oyunlarına 291 idmançı ilə qatılan Azərbaycan medal siyahısında 21 qızıl, 15 gümüş, 20 bürünc medalla ikinci yeri tutub.