...

Fransanın KİV-ləri Kannda keçirilən Azərbaycan mədəniyyəti günlərini geniş işıqlandırıblar

Mədəniyyət Materials 10 İyul 2013 08:57 (UTC +04:00)
AzərTAc xəbər verir ki, Fransanın kütləvi informasiya vasitələri ölkənin cənubunda hər il beynəlxalq kino festivallarının keçirildiyi Kann şəhərində iyulun 4-dən 7-dək təşkil olunan Azərbaycan mədəniyyəti günləri ilə bağlı tədbirləri geniş işıqlandırmışdır.
Fransanın KİV-ləri Kannda keçirilən Azərbaycan mədəniyyəti günlərini geniş işıqlandırıblar

Trend-i buradan izləyin

Azərbaycan, Bakı, 10 iyul /Trend/

AzərTAc xəbər verir ki, Fransanın kütləvi informasiya vasitələri ölkənin cənubunda hər il beynəlxalq kino festivallarının keçirildiyi Kann şəhərində iyulun 4-dən 7-dək təşkil olunan Azərbaycan mədəniyyəti günləri ilə bağlı tədbirləri geniş işıqlandırmışdır.

Fransanın cənub bölgəsində gündəlik nəşr olunan nüfuzlu "Nice-matin" qəzetində dərc edilən "Möhtəşəm atəşfəşanlıq" sərlövhəli məqalədə Protexnik incəsənət festivalı mövsümünün Azərbaycan mədəniyyəti günləri ilə başladığı diqqətə çatdırılır, möhtəşəm atəşfəşanlığın Kann şəhərinin fəxri qonağı Azərbaycanın şərəfinə təşkil edildiyi vurğulanır.

Azərbaycan bayrağının rənglərinin təsviri ilə başlayan atəşfəşanlığın yaddaqalan gözəl kompozisiya əsasında təşkil edildiyi, onun Azərbaycan musiqisinə uyğun icra olunduğu bildirilir.

Qəzetin "Kann Festivallar sarayında Azərbaycan gözəlliyi bayram edilir" sərlövhəli yazısında isə Heydər Əliyev Fondunun təşkilatçılığı ilə keçirilən konsertlərdən və "Arşın mal alan" filminin nümayişindən söhbət açılır, bu tədbirlərin Qafqazın mirvarisi olan Azərbaycanın qədim tarixi, zəngin mədəni dəyərləri, turizm imkanları barədə geniş məlumatın əldə olunmasında xüsusi əhəmiyyəti bildirilir.

Qəzetin "Azərbaycan Kannda" yazısında Azərbaycanın birinci xanımı Mehriban Əliyevanın rəhbərlik etdiyi Heydər Əliyev Fondunun təşkilatçılığı və ölkəmizin Fransadakı səfirliyinin dəstəyi ilə "Qafqazın mirvarisi olan Azərbaycanın mədəni dəyərləri" layihəsi çərçivəsində Fransanın bir çox şəhərlərində təşkil olunan sərginin Kannın məşhur Festivallar sarayında fəaliyyətə başladığı diqqətə çatdırılır. Sərgidə ən qədim pulların nümayişinin ölkəmizin zəngin tarixindən xəbər verdiyi, Odlar diyarının simvollarından biri olan Qız qalasının UNESCO-nun Ümumdünya Mədəni İrs siyahısına daxil edildiyi bildirilir.

"Qafqazın mirvarisi olan Azərbaycanın mədəni dəyərləri" layihəsi çərçivəsində təşkil olunan sərginin ölkəmizin tarixini və mədəniyyətini təqdim etməsi və fransızların Azərbaycan barədə hərtərəfli məlumat əldə etmələrində xüsusi əhəmiyyəti vurğulanır, arxeoloji tapıntıların, misdən hazırlanan əşyaların, qədim musiqi alətlərinin, əlvan naxışların vurulduğu qədim xalçaların sərgiyə gələnlərin böyük marağına səbəb olduğu diqqətə çatdırılır.

Sərginin "Hisslər" bölməsində azərbaycanlı rəssamların çoxsaylı əsərlərinin nümayiş etdirilməsindən, onların texniki baxımdan ustalıqla kətan üzərində çəkilməsindən, müxtəlif əsərlərdə insan hisslərinin rəngarəng formada tamaşaçılara çatdırılmasından ətraflı söhbət açılır.

Məqalədə sarayda Azərbaycan Dövlət simfonik orkestrinin uğurlu çıxışı qeyd olunur, kollektivin əsasının 1920-ci ildə dahi bəstəkarımız Üzeyir Hacıbəyli tərəfindən qoyulduğu, keçmiş Sovet İttifaqının ən yaxşı orkestrləri sırasında yer aldığı, vaxtilə ona məşhur bəstəkarlardan Rene Batonun və Otto Klemperenin dirijorluq etmələri barədə məlumat verilir.

Məqalədə, həmçinin Fəxrəddin Kərimovun dirijorluq etdiyi simfonik orkestrin dünyanın bir çox ölkələrində uğurlu çıxış etməsindən danışılır.

Mədəniyyət günləri çərçivəsində "Natiq" ritm qrupunun və Dövlət rəqs ansamblının çıxışlarını diqqətə çatdıran məqalədə fransız tamaşaçıların Azərbaycanın zəngin mədəni dəyərləri arasında nağaraya xüsusi maraq göstərmələri, Azərbaycan folkloruna məxsus çalğı aləti olması, ritm qrupunun 2010-cu ildə Seulda keçirilən beynəlxalq festivalda müvəffəqiyyətlə çıxış etdiyi vurğulanır.

Fransanın nüfuzlu "TV5 Monde" televiziya kanalı Kannda keçirilən Azərbaycan mədəniyyəti günlərinə həsr etdiyi verilişində Heydər Əliyev Fondunun təşkilatçılığı ilə "Qafqazın mirvarisi olan Azərbaycanın mədəni dəyərləri" layihəsi çərçivəsində Fransada keçirilən Azərbaycan günlərinin ölkəmizin qədim tarixini, zəngin mədəni irsini fransızlara yaxından tanıtmaq məqsədi daşıdığı diqqətə çatdırılmış, belə tədbirlərin iki ölkə arasında mədəni əlaqələrin inkişafında xüsusi əhəmiyyəti vurğulanmışdır.

Azərbaycan muğamı və caz musiqisindən söhbət açılan verilişdə gənc cazmenlərdən Şahin Növrəsli və İsfar Sarabskinin beynəlxalq caz festivallarına müvəffəqiyyətli çıxışlarından bəhs olunmuş, ölkəmizin memarlıq abidələri, Bakının görməli yerləri, təkrarolunmaz təbiəti, turizm imkanları nümayiş etdirilmişdir.

"Cezar.fr" və "artcotedazur" portallarında Heydər Əliyev Fondunun yaranmasından, Azərbaycan ilə Fransa arasında əməkdaşlığın qurulması və möhkəmlənməsi, iki xalqın bir-birinə yaxınlaşması istiqamətində fəaliyyəti, ölkəmizdə və xaricdə müxtəlif tədbirlər keçirdiyi, Fonda Azərbaycanın birinci xanımı Mehriban Əliyevanın prezidentlik etdiyi, qurumun vitse-prezidenti Leyla Əliyevanın incəsənətə xüsusi maraq göstərdiyi və xarici ölkələrdə Azərbaycan incəsənəti ilə bağlı təşkil olunan sərgilərdə onun müəllifi olduğu əsərlərin böyük müvəffəqiyyət qazandığı diqqətə çatdırılır.

Məqalədə:
Xəbər lenti

Xəbər lenti