...

MiQ-29 təyyarəsinin pilotu dəfn edilib (FOTO) (YENİLƏNİB-2)

Gündəm Materials 21 Avqust 2019 11:43 (UTC +04:00)
Ötən gün meyiti tapılan MiQ-29 təyyarəsinin pilotu Rəşad Atakişiyev II Fəxri Xiyabanda dəıfn edilib.
MiQ-29 təyyarəsinin pilotu dəfn edilib (FOTO) (YENİLƏNİB-2)

İlk xəbər saat 09:45-də yayılıb

Bakı. Ceyhun Ələkbərov - Trend:

Plana uyğun olaraq gecə vaxtı təlim-məşq uçuşları keçirən zaman qəzaya uğrayan Hərbi Hava Qüvvələrinin MiQ-29 təyyarəsinin pilotu polkovnik-leytenant Rəşad Atakişiyev dəfn edilib.

Trend-in məlumatına görə, R.Atakişiyev II Fəxri xiyabanda torpağa tapşırılıb.

Dəfn mərasimi zamanı Azərbaycanın dövlət himni səsləndirilib, havaya yaylım atəşi açılıb.

Hərbi Hava Qüvvələrinin komandanı general-leytenant Ramiz Tahirov pilotun tabutunun üzərinə sərilmiş Azərbaycanın dövlət bayrağını onun həyat yoldaşı Könül Hüseynovaya təqdim edib.

XXX

saat 11:17

Qəzaya uğrayan MiQ-29 təyyarəsinin pilotu Rəşad Atakişiyevlə vida mərasimi başa çatıb.

Trend-in məlumatına görə, pilotun nəşi dəfn olunmaq üçün II Fəxri Xiyabana yola salınıb.

XXX

saat 11:03

Plana uyğun olaraq gecə vaxtı təlim-məşq uçuşları keçirən zaman qəzaya uğrayan Hərbi Hava Qüvvələrinin MiQ-29 təyyarəsinin pilotu polkovnik-leytenant Rəşad Atakişiyevin Silahlı Qüvvələrin Təlim və Tədris Mərkəzində vida mərasimi keçirilib.

Mərasimdən sonra pilotun nəşi II Fəxri Xiyabanda dəfn olunacaq.

XXX

saat 09:45

Ötən gün meyiti tapılan MiQ-29 təyyarəsinin pilotu Rəşad Atakişiyevlə vida mərasimi keçirilir.

Trend-in məlumatına görə, mərhum pilotla vida mərasimi Yeni Yasamalda yerləşən evinin həyətində başlayıb.

R.Atakişiyevlə rəsmi vida mərasimi hazırda Silahlı Qüvvələrin Təlim və Tədris Mərkəzində davam etdirilir.

Müdafiə naziri, general-polkovnik Zakir Həsənov vida mərasimində iştirak edir.

Pilot daha sonra II Fəxri Xiyabanda dəfn olunacaq.

Xatırladaq ki, bu il iyulun 24-də plana uyğun olaraq, gecə vaxtı təlim-məşq uçuşları keçirən zaman qəzaya uğrayan Hərbi Hava Qüvvələrinin MiQ-29 təyyarəsinin pilotu polkovnik-leytenant Atakişiyev Rəşad Saləddin oğlunun nəşi və təyyarənin qalıqları avqustun 20-də tapılaraq dənizdən çıxarılıb.

Məqalədə:
Xəbər lenti

Xəbər lenti