Bakı. Trend:
Türkiyənin "Baykar" şirkəti yeni pilotsuz uçuş aparatının (PUA) istehsalına başlayıb.
Trend-in məlumatına görə, bu barədə şirkətin texniki direktoru Səlcuq Bayraktar öz "Twitter" səhifəsində elan edib.
O bildirib ki, üç il yarımdan sonra istehsal xəttinə daha böyük və çevik aparat daxil edilib.
"MİUS – pilotsuz döyüş təyyarəsi: Bayraktar “Qızıl alma” yoldadır. Bizi izləməyə davam edin", – Bayraktar hərbi təyyarənin şəklini paylaşaraq qeyd edib.
Qeyd edək ki, "Kızılelma"nın prototipi 3,5 il əvvəl təqdim olunmuşdu.