Bakı. Trend:
Bakının Yasamal rayonunda qanunsuz parklanma yolun bağlanmasına səbəb olub.
Trend-in məlumatına görə, hadisə rayonun Murtuza Muxtarov küçəsində baş verib.
Küçədə qanunsuz parklanma nəticəsində yolun bir hissəsi bağlanıb və nəticədə avtomobillərin həmin ərazidən keçməsinə problem yaranıb. Qanunsuz parklanmaya görə 65 saylı marşrut xətti üzrə hərəkət edən avtobuslar hərəkəti dayandırıb. Nəticədə adıçəkilən marşrut xətti üzrə 10-a yaxın avtobus ilişib qalıb.