Bakı. Trend:
Dövlət Təhlükəsizliyi Xidməti eyni zamanda Əsir və itkin düşmüş, girov götürülmüş vətəndaşlarla əlaqədar Dövlət Komissiyasının işinə rəhbərliyi həyata keçirir.
Trend xəbər verir ki, bunu Dövlət Təhlükəsizliyi Xidmətinin rəisi general-polkovnik Əli Nağıyevin bu gün Azərbaycan təhlükəsizlik orqanlarının yaradılmasının 105 illiyi münasibətilə keçirilmiş təntənəli tədbirdəki çıxışı zamanı deyib.
"Aparılmış təxirəsalınmaz tədbirlər nəticəsində bu vaxtadək mütəxəssislərimiz tərəfindən itkin düşmüş 107 nəfərin, o cümlədən onlardan 95 nəfərinin DTX-nin Hərbi-tibb baş idarəsinin genetik laboratoriyasında, 12 nəfərinin isə Daxili İşlər Nazirliyinin müvafiq struktur bölməsində eyniləşdirilməsi həyata keçirilmişdir. Onlardan 34 nəfərinin qalıqları ailələrə təhvil verilmiş, bununla da onların 30 ildən artıq davam edən iztirab və nigarançılığına son qoyulmuşdur. Yaxın günlərdə eyniləşdirilməsi təmin olunmuş 73 nəfərin adları ictimaiyyətə açıqlanacaqdır", - deyə o bildirib.