Azərbaycan, Bakı, 21 dekabr /Trend, müxbir K.Zərbalıyeva/
Bakıda Türkiyə vətəndaşından oğurluq edən şəxs tutulub.
Daxili İşlər Nazirliyinin mətbuat xidmətinin çərşənbə axşamı yaydığı məlumata görə, dekabrın 9-da Səbail rayonu Mehdi Hüseyn küçəsində aparılan tikintinin yardımçı otağından Türkiyə vətəndaşı İbrahim Dəniz Gödəkoğlunun cibindən 100 dollar və 80 manat pul oğurlanıb.
Səbail rayon Polis İdarəsinin 9-cu polis bölməsinin əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Sumqayıt şəhər sakini, əvvəllər məhkum olunmuş Mahir Ağayev tutulub.
Ağayevdən 0,267 qram heroin götürülüb.