Təfərrüatlar əlavə olunub (ilk xəbər 17:54-də yayılıb)
Azərbaycan, Bakı, 13 may /Trend, müxbir A.Tağıyeva/
İlkin məlumata görə, bu gün rabitə əlaqəsi kəsilən "F-16" qırıcı təyyarəsi qəzaya uğrayıb.
Trend-in "CNN Türk"ə istinadən verdiyi məlumata görə, qəzaya səbəb texniki nasazlıq olub.
"Təyyarə yerə düşüb. Biz hələ onun qalıqlarının olduğu yerə çata bilmirik", - Osmaniyyə şəhərinin valisi Cəmaləddin Cərrah yerli KİV-ə deyib.
Türkiyə Silahlı Qüvvələrinin məlumatına görə, qırıcı təyyarə ilə əlaqə yerli vaxtla saat 14:15-də kəsilib, həmin vaxt "F-16" Amanoslar rayonunda növbətçi uçuşu həyata keçirərkən pilotdan "katapult edirəm" məlumatı alınıb.