Azərbaycan, Bakı, 19 avqust /Trend, müxbir İ.İzzət/
Şabran rayonundakı yanğınsöndürmə qurğularından alüminium hissələrini oğurlamış rayon sakini tutulub.
Trend Daxili İşlər Nazirliyinin (DİN) rəsmi saytına istinadən xəbər verir ki, Şabran Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində rayon sakini, əvvəllər məhkum olunmuş Müşfiq Abbasov tutulub.
Abbasov avqustun 13-də "Ramco" MMC tərəfindən Şabran rayonunun müxtəlif yerlərində quraşdırılımış yanğınsöndürmə qurğularından 20-30 ədəd aliminium hissələrini oğurlamaqda ittiham olunur.
Faktla bağlı araşdırmalar davam etdirilir.