Azərbaycan, Bakı, 22 sentyabr /Trend, müxbir İlkin İzzət/
Bakı metrosunda bir həftə əvvəl oğurluq edən şəxs tutulub.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, sentyabrın 15-də metronun "Nərimanov" stansiyasında Astara rayon sakini Rəşad Məhərrəmova məxsus videokamera qatarda oturacağın üzərindən oğurlanıb.
Metropolitendə Polis Şöbəsində Cinayət-Axtarış Qrupunun keçirdiyi əməliyyat tədbirləri nəticəsində, oğurluqda şübhəli bilinən Bakı şəhər sakini Elxan Tağıyev tutulub.