Azərbaycan, Bakı, 26 avqust /Trend, müxbir İlkin İzzət/
Bakıda mühafizə polisinin əməkdaşları xalça oğrusu tutublar.
Daxili İşlər Nazirliyindən (DİN) Trend-ə verilən məlumata görə, avqustun 26-da saat 06:00 radələrində Nizami Rayon Mühafizə İdarəsinin əməkdaşları, rayonun B.Nuriyev küçəsində yerləşən 29 nömrəli binanın qarşısından Rəşad Qasımova məxsus 2 ədəd 250 manat dəyərində olan xalçaları oğurlayan Şamaxı rayon sakini, əvəllər məhkum olunmuş, 1973-cü il təvəllüdlü Umudov Famil Muxtar oğlunu saxlayaraq Nizami Rayon Polis İdarəsinin 24-cü Polis Bölməsinə təhvil veriblər.
Bölmədə F.Umudovun üzərinə baxiş zamanı 5.36 qram narkotik vasitə olan "marixuana" aşkar edilib.
Faktla bağlı Nizami Rayon Polis İdarəsinin 24-cü Polis Bölməsində araşdırma aparılır.