...

Bakıda camaatı yolun ortasında soyub talayan “lotu”lar tutulub

Hadisə Materials 4 Sentyabr 2015 11:14 (UTC +04:00)
Bakıda camaatı yolun ortasında soyub talayan yeniyetmə və gənclərdən ibarət qrup aşkar edilib.
Bakıda camaatı yolun ortasında soyub talayan “lotu”lar tutulub

Azərbaycan, Bakı, 4 sentyabr /Trend, müxbir İlkin İzzət/

Bakıda camaatı yolun ortasında soyub talayan yeniyetmə və gənclərdən ibarət qrup aşkar edilib.

Bakı şəhər Baş Polis İdarəsindən (BŞBPİ) Trend-ə verilən məlumata görə, Səbail Rayon Polis İdarəsi 39-cu Polis Bölməsi əməkdaşlarının keçirdikləri əməliyyat-axtarış tədbirləri nəticəsində, sentyabrın 2-də Neftçilər prospektində ayırı-ayırı saatlarda Bakı şəhər sakini Fərid Sadıyevi və Lerik rayon sakini Adil Zaidovu hədələyərək mobil telefonunları soyğunçuluq yolu ilə talamaqda şübhəli bilinən Kürdəmir rayon sakinləri - 1993-cü il təvəllüdlü Ricay Müşfiq oğlu Hidayətov, Hacıağa Sahib oğlu Həsənov, Bakı şəhər sakini, 1999-cu il təvəllüdlü Əli Mikayıl oğlu Hacıyev və Xaçmaz rayon sakini, 1998-ci il təvəllüdlü Rövşən Abdulşah oğlu Məmmədov tutulublar.

Şübhəli şəxslər ətrafında aparılan ilkin istintaq, əməliyyat-axtarış tədbirləri ilə müəyyən olunub ki, onlar avqustun 30-da günorta saatlarında Neftçilər prospektində Bakı şəhər sakini Səttar Mehdiyevin etibarından sui-istifadə edərək mobil telefonunu dələduzluq yolu ilə talayıblar.

Məqalədə:
Xəbər lenti

Xəbər lenti