Azərbaycan, Bakı, 21 may /Trend/
Avropa İttifaqı həm rəsmi, həm də parlament diplomatiyası səviyyəsində Dağlıq Qarabağ münaqişəsinin nizamlanması üçün şərait yaratmağa çalışaraq daim səylər göstərib. Bu barədə çərşənbə günü "Avropa İttifaqının genişlənməsinin 10-cu ildönümü" ictimai müzakirələrinin gedişində Aİ-nin Ermənistandakı nümayəndə heyətinin rəhbəri, səfir Trayan Xristea bildirib. Trend-in məlumatına görə, xəbəri "Novosti Armenii-NEWS.am" yayıb.
T.Xristea inanır ki, Dağlıq Qarabağ münaqişəsi ATƏT-in Minsk qrupunun mövcud çərçivələrində həll edilməlidir: "Eyni zamanda, mən etimad atmosferinin yaradılmasını təmin etməyə çalışan Avropa İttifaqı tərəfindən dəstəyi vurğulamaya bilmərəm. Ancaq münaqişənin həlli üçün siyasi iradə lazımdır".