Azərbaycan, Bakı, 29 may / Trend , müxbir M.Əliyev/ Ukraynanın müdafiə naziri Yuri Yexanurov Azərbaycana rəsmi səfər edəcək. Bu barədə cümə axşamı Bakıda keçirilən mətbuat konfransında Ukraynanın Azərbaycandakı səfiri Boris Klimçuk məlumat verib.
Səfir səfərin dəqiq tarixini açıqlamayıb, lakin onun yaxın vaxtlarda baş tutacağını qeyd edib.
Ukrayna Müdafiə Nazirliyinin mətbuat xidməti idarəsindən cümə axşamı Trend -a verilən məlumata görə, Müdafiə Nazirliyinin rəhbəri Azərbaycana və Gürcüstana 2-5 iyun tarixlərində səfər edəcək. "Hələ ki, səfərin nə qrafiki, nə də gündəliyi məlumdur", - deyə Müdafiə Nazirliyindən bildiriblər.
Azərbaycan və Ukrayna hərbi sahədə əməkdaşlığa dair ikitərəfli saziş imzalayıblar.
Məqalə müəllifi ilə əlaqə ünvanı: trend
